ຄູຝຶກຈອມແທັກຕິກ ໄວ 57 ປີ ຈຳເປັນຕ້ອງໄດ້ກັບຝຣັ່ງ ເພື່ອຮ່ວມງານສົບຂອງແມ່ຜູ້ໃຫ້ກຳເນີດ, ເຮັດໃຫ້ບໍ່ສາມາດຄຸມທີມນັດສຸດທ້າຍຂອງກຸ່ມ I ທີ່ຈະດວນກັບ 🇳🇴 ທີມຊາດນໍຣເວ ໃນເຊົ້າວັນທີ 27 ມິຖຸນານີ້ ເວລາ 2:00. ຊຶ່ງທັງສອງທີມເຂົ້າຮອບ 32 ທີມສຸດທ້າຍແນ່ນອນແລ້ວ ພາຍຫລັງຊະນະ 2 ນັດລວດ.
ສຳລັບ ເດຊ໋ອງ ເຂົ້າມາຄຸມທີມຊາດຝຣັ່ງ ໃນເດືອນກໍລະກົດ ປີ 2012 ຄຸມທີມທັງໝົດ 181 ນັດ ຊະນະ 117 ສະເໝີ 35 ເສຍ 29 ສະເລ່ຍໂອກາດຊະນະຕໍ່ນັດ 64.64%. ນຳທີມໄດ້ແຊ້ມໂລກ 2018, ຮອງແຊ້ມ 2022, ແຊ້ມ UEFA Nations League ລະດູການ 2020–21 ທີ 3 ລະດູການ 2024–25 ແລະ ຮອງແຊ້ມ ຢູໂຣ 2016.
