🔥ວິນີຊີອຸສ ຈູເນ່ຍ ຍິງສອງປະຕູ ຊ່ວຍ ທີມຊາດ ບຣາຊິລ ທີມຊາດ ບຣາຊິລ ຊະນະ ທີມຊາດສະກັອດແລນ 3-0 ຄວ້າອັນດັບ 1 ຂອງກຸ່ມ C ເຂົ້າຮອບ 32 ທີມສຸດທ້າຍ❗️ບານໂລກ 2026

ກອງທັບ ແຊມບ້າ ທີມຊາດບຣາຊິລ ແຊ້ມໂລກຫລາຍສຸດ 5 ສະໄໝ ໄລ່ຕ້ອນເອົາຊະນະ ທີມຊາດສະກັອດແລນ ເຖິງ 3-0  ວິນີຊີອຸສ ຈູເນ່ຍ ປີກຈາກ ຣຽວ ມາດຣິດ 2 ປະຕູ ນາທີ 7′, 45+3′ ( ເຊິ່ງເກືອບຈະເປັນ ເເຮດທຣິກ) ແລະ ມາຕີອຸສ ກຸນຢ້າ ກອງໜ້າຈາກ ແມນຢູ ຍິງ 1 ປະຕູ ນາທີ 60′, ໄຊຊະນະນັດນີ້ ເຮັດໃຫ້ ບຣາຊິລ ກາຍເປັນທີມທີ່ຍິງປະຕູຫລາຍສຸດໃນບານໂລກຮອບສຸດທ້າຍ ລວມ 244 ປະຕູ.

ວິນິຊີອຸສ ຍັງຄົງເສີມສ້າງຕຳເເຫນ່ງຂອງເຂົາໃຫ້ເເຂ່ງເເຮງຂຶ້ນໄປເລື້ອຍໆ ໂດຍຢືນຄຽງຂາງກັບ ລີໂອເນລ ເມສຊີ, ຄີລຽນ ເອັມບັປເປ້, ເອອຣ໌ລິງ ຮາແລນ໌ ແລະ ຄຣິສເຕຼຍໂນ ໂຣນັລໂດ້ ໃນຖານະຫນຶ່ງໃນດາວເດັ່ນທີ່ສຸດຂອງລີກ 

ເນື່ອງຈາກການບາດເຈັບແລະການຂາດເເຄນນັກເຕະລະດັບໂລກຄືກັນກັບສະໄຫມກ່ອນໆ ເຮັດໃຫ້ທີມຊາດບຣາຊິລ ຊຸດນີ້ຖືກເເນມວ່າເປັນທີມຊາດທີ່ມີຊື່ສຽງລະດັບໂລກ ນ້ອຍທີ່ສຸດ ໃນຮອບຫລາຍປີ. ແນວໃດກໍ່ຕາມ, ທີມຊາດ ບຣາຊິລ ກໍ່ຍັງສະເເດງໃຫ້ເຫັນເຖິງປະສິດທິພາບທີ່ຫນ້າປະທັບໃຈ. 

ບຣາຊິລ  ມີ 7 ຄະແນນ ຈາກ 3 ນັດ ໄດ້ທີ 1 ຂອງກຸ່ມ ເຂົ້າຮອບ 32 ທີມສຸດທ້າຍ ໄປພົບກັບ ອັນດັບ 2 ຂອງກຸ່ມ F ຈະແຂ່ງຂັນວັນທີ 30 ມິຖຸນາ ເວລາ 00:00.

ສ່ວນສະກັອດແລນ ມີ 3 ຄະແນນ ຍັງມີລຸ້ນເຂົ້າຮອບ ເພື່ອເປັນທີ 3 ດີສຸດ 8 ທີມ ຈາກ 12 ກຸ່ມ.